Yn ystod pedair wythnos, bydd y plant yn defnyddio buddsoddiad o £5 i gychwyn eu syniadau busnes.
Mae'n rhaglen ddifyr a rhyngweithiol iawn i blant 5-11 oed sy'n cyflwyno addysg ariannol a menter ac yn gwella sgiliau allweddol, gan gynnwys creadigrwydd, datrys problemau, gwaith tîm a hyder.
Cynllun yr Her Pedair Wythnos
Amlinellir pedair wythnos yr her isod:
1 - Dyma Bumpunt!
Bydd y plant yn cydweithio i benderfynu pa gynnyrch neu wasanaeth i fuddsoddi eu pumpunt ynddo.
2 - Dechrau arni
Bydd angen i'r timau ddod o hyd i ddeunyddiau neu gynhyrchion, paratoi cyflwyniadau gwerthu ar gyfer wythnos tri, a chynllunio digwyddiadau gwerthu.
3 - Dal ati
Yn ystod trydedd wythnos yr Her, bydd y plant yn cael eu cynnych neu wasanaeth yn barod, yn paratoi ar gyfer eu digwyddiad gwerthu a chymryd rhan yn y gystadleuaeth cyflwyno gwerthiant.
4 - Talu'n ôl a chadw'r elw
Ar ddiwedd yr Her, bydd y plant yn ad-dalu'r buddsoddiad o £5 yn ogystal â chyfraniad gwaddol o 50c ac yn penderfynu sut i wario eu helw neu ei gyfrannu fel rhodd.
Cyflwynwch yr Her Bumpunt ac archwiliwch entrepreneuriaeth gan ddefnyddio'r sleidiau PowerPoint Cyflwyniad i'r Her Bumpunt.
Cystadlaethau Wythnosol
Ar ddiwedd Wythnosau 1 a 3, bydd y plant yn cael cyfle i gymryd rhan mewn dwy gystadleuaeth her:
Wythnos 1 - Dylunio Logo
Byddwn yn chwilio am logos sy'n gallu creu effaith a chyfleu'r cynnyrch neu'r gwasanaeth i gwsmeriaid.
Wythnos 3 - Poster Gwerthu
Creu poster yn arddangos eich ymchwil marchnad a phwyntiau gwerthu unigryw.
Cymryd rhan mewn Cystadleuaeth
Bydd yr holl gystadlaethau'n agor pan fydd yr her yn dechrau, a gellir lanlwytho ceisiadau pryd bynnag y byddant yn barod. Gallwch wirio dyddiadau cau'r cystadlaethau ar y dudalen Dyddiadau Allweddol.
Gellir cyflwyno pob cais mewn amrywiaeth o fformatau ffeiliau - bydd manylion llawn, cyfarwyddiadau lanlwytho a meini prawf barnu ar gael pan fyddwch yn cofrestru ar gyfer yr her.
Y Gystadleuaeth Genedlaethol
Bydd Cystadleuaeth Genedlaethol yr Her Bumpunt yn cael ei chynnal ar ddiwedd y rhaglen pedair wythnos.
Mae 4 categori ar gyfer gwobrau:
- Gorau o ran Cynaliadwyedd
- Her Bumpunt er Daioni
- Busnes Gorau yn Gyffredinol
- Unigolyn Mwyaf Ysbrydoledig
- Busnes Gorau Cymru
Rhennir pob categori yn ddwy wobr: naill ai yn ôl grwpiau oedran 5-8 oed a 9-11 oed neu enillydd ac ail orau.
Bydd y beirniaid yn chwilio am dystiolaeth o arloesedd, creadigrwydd a datrys problemau ar gyfer yr holl wobrau ochr yn ochr â straeon am waith tîm a datblygiad personol.
Edrychwch ar Arddangosfa 2024 yr Her Bumpunt i gael ysbrydoliaeth
Gwyliwch y Dosbarth Meistr Rhagarweiniol i baratoi ar gyfer Her Bumpunt 2024
Dysgwch fwy am yr Her Bumpunt yn ein llyfryn.
Gwiriwch y Telerau ac Amodau am arweiniad ar gynhyrchion a gwasanaethau y gellir eu masnachu o dan yswiriant Young Enterprise. Mae´n rhaid i sefydliadau sicrhau bod ganddynt yswiriant priodol ar waith ar gyfer cynhyrchion a gwasanaethau nad ydynt yn dod o dan bolisi yswiriant Young Enterprise.
Chwilio am rywbeth y gallwch chi a´ch plant ei wneud cyn i´r Her ddechrau?
Beth am ystyried Yr Her Bumpunt DIY sydd bellach ar gael ar hyd y flwyddyn. Mae'r adnoddau hyn yn ffordd hawdd i blant gymryd eu camau cyntaf mewn addysg ariannol a menter ac yn eu paratoi ar gyfer lansio’r Her Bumpunt ym mis Mehefin.